ԱՍՏՈՒԱԾ՝ ԹԱԳԱՒՈՐ

1 Տէրը թագաւորեց, վայելչութիւն հագաւ,

զօրութիւն հագաւ Տէրն ու գօտեւորուեց,

հաստատեց աշխարհը, որ չսասանուի:

2 Սկզբից է պատրաստուած գահը քո,

եւ յաւերժ ես դու:

3 Բարձրացան գետերը, Տէ՛ր,

գետերը բարձրացրին ձայնն իրենց.

գետերը պիտի յորդեն իրենց հունից դուրս:

4 Առատ ջրի ձայնից ծովի ալիքներն սքանչելի դարձան.

սքանչելի ես դու բարձունքներում, Տէ՛ր:

5 Մենք անչափ հաւատացինք քո վկայութիւններին.

սրբութիւնը վայել է քո տանը, Տէ՛ր, երկար օրեր: